End-to-end support
ထိုင်းနှင့် အိန္ဒိယနိုင်ငံများတွင် ဆေးကုသမှုခံယူလိုသော မြန်မာလူနာများအတွက် ရောဂါအခြေအနေကို ဆရာဝန်မှ ကနဦးသုံးသပ်ပေးပြီး သင့်တော်သောဆေးရုံ၊ အထူးကုဆရာဝန်နှင့် ကုသမှုလမ်းကြောင်းကို စနစ်တကျချိတ်ဆက်ပေးသော ကျန်းမာရေးဝန်ဆောင်မှုဖြစ်ပါသည်။
လက်ရှိကျန်းမာရေးအခြေအနေ၊ စစ်ဆေးမှုအဖြေများနှင့် ယခင်ကုသမှုမှတ်တမ်းများကို ပေးပို့နိုင်ပါသည်။ ဆရာဝန်ဦးဆောင်သော YHN အဖွဲ့က ကနဦးသုံးသပ်ပြီး ဆေးရုံတွင် ဆွေးနွေးရန်လိုအပ်သော အချက်အလက်များနှင့် ဆက်လက်ဆောင်ရွက်နိုင်မည့် အဆင့်များကို ရှင်းပြပေးပါသည်။
လူနာ၏ကျန်းမာရေးလိုအပ်ချက်၊ သွားရောက်လိုသည့်နိုင်ငံနှင့် ဘတ်ဂျက်အလိုက် ထိုင်းနှင့် အိန္ဒိယရှိ ဆေးရုံ၊ အထူးကုဆရာဝန်ရွေးချယ်မှုများကို ကူညီနှိုင်းယှဉ်ပေးပါသည်။ ရက်ချိန်းရရှိနိုင်မှုနှင့် ကြိုတင်ပေးပို့ရန်လိုသော ဆေးမှတ်တမ်းများကို ဆေးရုံနှင့် ချိတ်ဆက်စစ်ဆေးပေးပါသည်။
ရောဂါအခြေအနေ သို့မဟုတ် ကုသမှုရွေးချယ်စရာများအတွက် အခြားအထူးကုဆရာဝန်၏ အမြင်ကို ရယူလိုပါက လက်ရှိဆေးမှတ်တမ်းများ စုစည်းပြီး ဆေးရုံသို့ တောင်းခံပေးပါသည်။ ဆေးရုံက လက်ခံသည့်သုံးသပ်ပုံ၊ ကုန်ကျစရိတ်နှင့် အွန်လိုင်းဖြင့် ဆွေးနွေးနိုင်ခြင်းရှိမရှိ သို့မဟုတ် လူကိုယ်တိုင်ပြသရန်လိုမလိုကို ကြိုတင်ရှင်းပြပေးပါသည်။
ပေးပို့ထားသောဆေးမှတ်တမ်းများအပေါ် အခြေခံ၍ ဆေးရုံထံမှ ကုသမှုအဆိုပြုအစီအစဉ်နှင့် ခန့်မှန်းကုန်ကျစရိတ်ကို တောင်းခံပေးပါသည်။ စျေးနှုန်းတွင် ပါဝင်သည့်အချက်များ၊ ထပ်မံကုန်ကျနိုင်သည့်အရာများနှင့် အထူးကုစစ်ဆေးပြီးမှ အတည်ပြုနိုင်မည့်အချက်များကို နားလည်လွယ်အောင် ရှင်းပြပေးပါသည်။
အထူးကုဆရာဝန်နှင့် ဆွေးနွေးရန် သို့မဟုတ် ကျန်းမာရေးစစ်ဆေးမှုခံယူရန် ဆေးရုံနှင့် ရက်ချိန်းညှိနှိုင်းပေးပါသည်။ ဆေးရုံက အတည်ပြုပြီးလျှင် ရက်ချိန်းအချိန်၊ သွားရမည့်နေရာ၊ ယူဆောင်ရန်စာရွက်စာတမ်းများနှင့် ဆေးရုံမှပေးသည့် ကြိုတင်ပြင်ဆင်ရန်ညွှန်ကြားချက်များကို ပေးပို့ပေးပါသည်။
လူနာ၏ခွင့်ပြုချက်ဖြင့် သက်ဆိုင်ရာဆေးမှတ်တမ်း၊ စစ်ဆေးမှုအဖြေနှင့် ကုသမှုအကျဉ်းချုပ်များကို ဆေးရုံသို့ ပေးပို့ရန် စုစည်းကူညီပေးပါသည်။ ဆေးရုံဘက်မှ ထပ်မံလိုအပ်သောမှတ်တမ်းများရှိပါက လူနာနှင့် ညှိနှိုင်းပေးပါသည်။
ဆေးရုံအချက်အလက်များ၊ ရက်ချိန်းအတွက်ပြင်ဆင်ရန်အချက်များနှင့် ဆေးကုသမှုဆိုင်ရာဆွေးနွေးချက်များကို မြန်မာဘာသာဖြင့် နားလည်လွယ်အောင် ကူညီရှင်းပြပေးပါသည်။ စကားပြန်လိုအပ်ပါက ရရှိနိုင်မည့်အချိန်နှင့် ကုန်ကျစရိတ်ရှိမရှိကို ကြိုတင်ညှိနှိုင်းအတည်ပြုပေးပါသည်။
ဆေးကုသရန်ခရီးစဉ်အတွက် လိုအပ်သောစာရွက်စာတမ်းများ ပြင်ဆင်ရာတွင် ကူညီပေးပြီး လိုအပ်ပါက ဆေးရုံထောက်ခံစာများ ရရှိရန် ချိတ်ဆက်ပေးပါသည်။ လိုအပ်ချက်များသည် သွားရောက်မည့်နိုင်ငံနှင့် လျှောက်ထားမှုအမျိုးအစားအလိုက် ကွာခြားနိုင်ပြီး ဗီဇာခွင့်ပြုချက်ကို သက်ဆိုင်ရာဌာနက ဆုံးဖြတ်ပါသည်။
အတည်ပြုထားသောဆေးရုံရက်ချိန်းနှင့် ကိုက်ညီစေရန် လူနာနှင့် အတူလိုက်ပါမည့်မိသားစုဝင်အတွက် လေယာဉ်လက်မှတ်ရွေးချယ်ရာတွင် ကူညီပေးပါသည်။ လက်မှတ်မဝယ်မီ စျေးနှုန်း၊ အိတ်အလေးချိန်နှင့် ရက်ပြောင်းခွင့်စည်းကမ်းများကို စစ်ဆေးပေးပါသည်။
လေဆိပ်မှ ဟိုတယ် သို့မဟုတ် ဆေးရုံသို့ အကြိုအပို့ယာဉ် စီစဉ်ရာတွင် ကူညီပေးပါသည်။ လေယာဉ်အချိန်၊ လူဦးရေ၊ အိတ်အရေအတွက်နှင့် လှုပ်ရှားသွားလာရေးအတွက် လိုအပ်ချက်များကို ကြိုတင်အသိပေးပါက သင့်တော်သောယာဉ်နှင့် တွေ့ဆုံရမည့်နေရာကို ညှိနှိုင်းပေးပါသည်။
ဆေးရုံနှင့် နီးစပ်မှု၊ ဘတ်ဂျက်၊ နေထိုင်မည့်ရက်နှင့် အတူလိုက်ပါမည့်မိသားစုဝင်များကို ထည့်သွင်းစဉ်းစားပြီး ဟိုတယ်နှင့် ကာလတိုနေထိုင်ရန်နေရာများ ရှာဖွေကူညီပေးပါသည်။ အခန်းရရှိနိုင်မှု၊ အခန်းတွင်းပါဝင်ပစ္စည်းများနှင့် ဘွတ်ကင်စည်းကမ်းများကို မမှာယူမီ အတည်ပြုပေးပါသည်။
ချိန်းဆိုထားသော ဆေးရုံပြသရက်များအတွက် နေထိုင်ရာမှ ဆေးရုံသို့ သွားလာရေး စီစဉ်ကူညီပေးပါသည်။ လာကြိုမည့်အချိန်၊ အပြန်ခရီးအစီအစဉ်၊ ယာဉ်လိုအပ်ချက်နှင့် သွားလာရေးကုန်ကျစရိတ်ကို ကြိုတင်ညှိနှိုင်းပေးပါသည်။
ဆေးရုံသို့ သွားရောက်ပြသစဉ် လူနာမိသားစုနှင့် ဆေးရုံအဖွဲ့ကြား ဆက်သွယ်မှု၊ ရက်ချိန်းများနှင့် လက်တွေ့လိုအပ်သောအစီအစဉ်များကို ညှိနှိုင်းကူညီပေးပါသည်။ ကုသပေးနေသောဆရာဝန်နှင့် ဆေးရုံအဖွဲ့က သတ်မှတ်ပေးသည့် နောက်တစ်ဆင့်အစီအစဉ်များကို နားလည်အောင် ကူညီရှင်းပြပေးပါသည်။
ဆေးရုံပြသပြီးနောက် စစ်ဆေးမှုအဖြေများ စုစည်းရယူခြင်း၊ ပြန်လည်ပြသရန်ရက်ချိန်းနှင့် ဆက်လက်မေးမြန်းလိုသည့်အချက်များကို ဆေးရုံနှင့် ချိတ်ဆက်ကူညီပေးပါသည်။ မိမိနိုင်ငံသို့ ပြန်ရောက်ပြီးနောက်လည်း ဆက်သွယ်နိုင်ပြီး ဆေးဝါးနှင့် ဆက်လက်ကုသမှုအတွက် ကုသပေးသောဆရာဝန်၏ ညွှန်ကြားချက်ကို လိုက်နာရပါမည်။
